Urban Regeneration Forum

  • Bilbon gauzatutako hiri eraldaketak eta erregenerazioak nazioarteko erreferente bihurtu dute hiribildua, eta hainbat aintzatespen eta sari ekarri dizkio. Arrakasta horrek bultzatuta, Bilborako soluzio horiek nola sortu diren bertatik bertara ezagutzeko etengabeko eskaria sortu da bisitarien aldetik.
  • Arkitektura da hiri erregenerazioaren kudeaketa egokiaren azken buruko emaitza. Hala, BIA Urban Regeneration Forum erreferentzia aparta izango da soluzio horiek posible egin dituen industria ehuna bistaratzeko.
  • Bilboko hirigintza soluzioak dira hiriaren eraldaketaren protagonistak.
  • Bilbo marka arkitekturarekin lotzen du bisitariaren garunak ia kolpetik. Iraganean metalurgiarekin eta itsasontzigintzarekin gertatzen zen moduan, “arkitekturarekin” lotzen dira “Bilbo” eta, hedaduraz, Bizkaia.
  • Gaur egungo krisi egoeran hiri eraldaketarako esku-hartzeak egiteko aukera askorik ez dagoenez, arriskua dago dagoeneko gauzatutako erregenerazioa etenda gelditzeko. Hortaz, erregenerazio horren hurrengo «eguneratzea» eskaini beharko litzateke, ezagutzaren industriaren bidez.

Zer da BIA Urban Regeneration Forum?

Nazioarteko eztabaidarako gune bat da, abangoardiako arkitektura eta hirigintza dituena protagonista. Eta Bilboko hiria arkitektura eta hiri erregenerazio horren eredu gisa harturik, hiriaren erregerenerazio kontsolidatuan oinarrituriko ekitaldi sorta bat eskainiko du astebetez. BIA Urban Regeneration Forum ekimenak malgutasuna sustatuko duten lotura sortzaileak eratzeko proposamenak biltzeko topagunea izan nahi du. Hirigintzaren parte diren eragile guztien arteko elkarrizketa sustatu nahi du, erregenerazioaren gakoak partekatzeko eta erabilera egokia emateko baliabideei, hiriaren programazio, diseinu, eraikuntza, kudeaketa eta mantentzearen berrikuntzari, oreka iraunkorra lortzeko xedez. BIA Urban Regeneration Forumek apustu argia egiten du esperientzia esportagarriei buruzko ondorioak biltzeko, ezagutza partekatzeko eta hirien diseinuaren erronkari soluzio inspiratzaileak asmatuz aurrea hartzeko. Eta, jarraipena bermatzeko borondate argiarekin, jarduera egitarau hau proposatzen du:

Nazioarteko Biltzar Zientifikoa

Hainbat mailatan kategorizatutako hitzaldiak, esparru profesionalari eta akademikoari begirakoak. Edizio honetan, birdefinitu egin behar izan dugu jarduera honen formatua; hain zuzen ere, jardueraren hedadura murriztu behar izan dugu, eta online edizio gisa moldatu, segurtasuna bermatzearren. BIA topaketak izendatu dugu jarduera, hori kontuan hartuta.

BIA saria:
“Bilbao Bizkaia Architecture” saria

Arkitekturaren eta hiri erregenerazioaren bidez Bizkaiko gizartearen garapena sustatu duten kideak saritu nahi ditu sari honek. Edizio honetan, ordea, osasun krisiak sortu duen egoera berezia dela-eta, ez da saria banatuko.

Herritarrentzako jarduerak

Foroko jardueren artean, lurraldearen hirigintza ondarea balioan jartzeko zenbait erakusketa eta ekintza antolatzen ditu BIAk, denentzat zabalik direnak, herritarren partaidetza sustatzearren. Jarduera horietan ere aldaketak egin behar izan dira edizio honetan, egoera berrira egokitzeko, baina, betiere, herritarren partaidetzari eusteko ahaleginak eginez.

Back to top