Egitaraua

KOKTELA

Saio hau Postnatura kontzeptuaren ingurukoa izango da, kontzeptua subjektu politiko moduan ulertuta, praktika artistikoan natura/kultura binomioaren behin betiko disoluzioa planteatuko duten ikuspegi berriak ikertu, problema bihurtu, eta eztabaidatzeko debate-plataforma gisa. Gai, kontakizun eta lekuen bidaia anarkeologikoan barna, irudien eta gertaeren alkimia transeskalarra planteatuko da, kultura bisualaren eta horren inplikazio sozial, ekonomiko eta politikoen arteko harremanen konplexutasunari buruzko espekulazio-bidaia.

Konponketa-lurren azpiegitura kontinentala da ATTNT, klima-krisi batean bizirauteko planeta-subiranotasunak eta elkartasun erabakigarriak modelatzen dituena. Kolonizazioaren, kapitalizazioaren eta globalizazioaren azken 500 urteetako biktima beltz eta indigenengandik ikasten du, haien erresistentzia historiek eskaintzen baitituzte mutualismo eta lankidetza praktikak, Ilustrazioaren ohitura eta monolaborantza zuri/modernoei aurre egiteko baliagarriak. Klimari aurre egiteko funtsezkoak dira konponketak, arrazoi sakonetara eta kalte-ereduetara itzultzen dira, bestela kalteek jarraitu egiten dutelako. Ekonomia komunitarioen eta erakunde bizien ingurukoak dira, ez finantza-abstrakzioen ingurukoak. Esparru horretan, arazoak informazioa dira, konponbideak hutsegiteak dira, ideologiak fidagarritasun
mugatuko markatzaileak dira, eta berrikuntzak ez dira teknologia berriak, baizik eta dagoeneko dauden egoeren eta sortzen ari direnen arteko erlazio sofistikatuagoak. Pentsamendu erradikala osatzen duenari buruzko itxaropen batzuk azpikoz gora jarriz, diseinuaren historiak eskaintzen ditu trikimailu berezi batzuk ere, superzomorro politikoei ihes egiteko.

BIA KLIMA_ETORKIZUNA birSORTU. Klima eta Energia atalak aurrera jarraituko du bigarren egunez, begirada estetikan, artean eta naturan kokatuta duen aditu-taldearekin. Diziplinarteko aditu-taldea BEARek gidatuko du, hau da, Iñigo Berasateguik eta Ane Arcek.

ESTETIKA, ARTEA ETA NATURA. Zer estetika eskatzen digu etorkizunak? XXI. mende honetan naturari buruzko ikuspegi berri hau gauzatzeko moduaren ikuspegia emango digute artista eta profesional ospetsuek.

Eboluzio arkitektonikoaren kausa naturalak aztertuko ditu Philippe Rahmek, hau da, historian zehar, betiere aurrerapen zientifiko eta teknologikoekin estu lotuta, historiaurretik gaur egunera arte bilakaera horren garapenean eragin duten eta horien oinarriak eratu dituzten faktore fisiko, biologiko eta klimatikoak. Arkitekto suitzarraren eskutik, kausa materialetatik abiatuta arkitekturak eta hirigintzak izan duten eboluzioa berrirakurtzeak aukera ematen digu, unean uneko beharrei eta gertaerei nola egokitu diren ulertzeko ez ezik, baita oraingo eta etorkizuneko ingurumen-erronkei nola aurre egin dieten ere.

Iñaki Ábalosek alegatu bat proposatzen digu, berrikuntza iragana birpentsatzetik nola sortzen den aztertzeko interesari buruzkoa –arku modernoan baiki, baita beste une batzuetan ere–, ikuspegi tekniko eta ideologiko berrietatik begiratuta, ia beti aurrekoak eta egileak bulkatu zituztenekiko bestelakoak direla. Hari horretan,
alboratzera garamatza funtzionalismoak eta testuinguruak defendatutako programari eta lekuari buruzko ideia hutsal-hutsalak, aski hedatuak ordea, ezkutatu gabe adierazpen erradikala daukan erronkan: arkitekturaren ideia egokia denborarekiko, testuinguruarekiko, eskalarekiko eta funtzioarekiko independentea dela, eta, beraz, argitaragabeko esplorazio askotara zabalik dagoena. Enuntziatu hori egiazkoa da alderantziz ere: ideia arkitektoniko onak aplikatzea interesgarria da beti, eskala, testuinguru, programa edo garaia direnak direla ere.