Hitzaldiak

Erabiltzaile guztientzat diseinatuta ote dago hiria? Arkitektura eta hiri birbalorizaziorako eta ikusgarritasunerako zer proposamen sortzen dira zahartzaroak bete beharreko espaziorako?

Funikular eta teleferikoen sareak, oinezkoentzako maldak, igogailuak eta ingurunean duten eragina. Jardunbide onen zer adibide izan daitezke baliagarriak erreferentzia modura?

Ezin imajina genezake elikaduratik, birziklapenetik, energia-ekoizpenetik eta hiri-zaintzetatik deskonektatutako mugikortasuna duen hiri erresilienterik.

Zer-nolako bilakaera izango dute gure hiriek, eta zein dira arkitektura tipologien etorkizuneko gakoak, gaurko eta etorkizuneko garraiobideen aldaketak kontuan harturik? Zer eragin izango dute hurbiltasunera itzultzeak eta garraiobide sistemaren eraldaketek intermodalitate ereduetan?

Gizarte eta ingurumen ongizatea ezinbestean lotuta dago “aire garbia” arnasteko eskubideari, eta hori lortzeko funtsezkoa da horretarako azpiegitura erresilienteak eraikitzea, non aurrerabidearen adierazleetako bat izango baita pertsonen mugikortasun maila lurreko garraio publikoko zerbitzuetan.

Hiri erronka berriek (klima aldaketak eragindako erronkek baina baita ingurunearen digitalizazio gero eta nabarmenagoak eragindakoek ere) ezaugarritutako testuinguruan, gaur egungo hiri ereduak eraldatu eta zeharkakotasunaren ikuspegitik aztertu behar dira, hiri ingurune bizigarriak lortzeko. Nola egin dezakegu, orduan, ebidentzia eta estrategia dinamikoetan oinarrituriko hiri plangintza bat?

Zer ibai-hiri bikotek dituzte mugikortasunari loturiko espazio horiek garatzeko eta lehengoratzeko proiektu arrakastatsuak? Nola baloratzen du hiriak ibaiarekiko bere harremana, eta nola interpretatzen du hiri-ibai sistemaren barruan betetzen duen funtzioa?

Ibaiertzeko beste hiri batzuk aztertuta, mugikortasun soluzioak aurkitzen dira, hala nola “kabotajeko” garraioa, zeinak atxiki zaizkie garraio publikoko sareei naturaltasunez, bi ertzetako barrutiak modu eraginkorrean lotzeko beste ibilbide interesgarri batzuk sortzearren.