BIA URBAN REGENERATION FORUMen VI. edizioaren barruan, IRUDIKATUTAKO HIRIAK lehiaketa antolatu da, 2024an, beste urte batez, herritarrentzako jardueren egitarauaren barruan.
PHOTO-BIAΩ eraikietan bizitzeko eta esku hartzeko moduen aniztasunari eta konplexutasunari begiratzeko eta hura berreraikitzeko era bat. Hain zuzen ere, hirien aldaketa- eta eraldaketa-prozesuekin loturiko begirada eta herritarren esperientzia askotariko horiei irekita dago PHOTO-BIA, hirietan elkarrekin bizi baitira hiriak bizitzeko eta ibiltzeko, ekipamenduak eta baliabideak erabiltzeko eta hiru-guneetan esku hartzeko eta jarduteko hainbat modu, askotarikoak. PHOTO-BIAk herritarrei gonbita egin lehiaketaren IV. edizioan, hiria bizitzeko moduen aniztasunean jarri nahi izan dugu arreta, hiri-ingurunea, landa-eremua eta eremu naturala biltzen dituen eremu zabaltzat hartuta hiria. Argazkilaritza errealitatea irudikatzeko bitarteko bat da, baina orobat da etengabe aldatzen ari den hiri-errealitatearen nahiz espazio nahi die beren argazki-lanen bidez esplora dezaten hiri-ehunaren konplexutasuna eta eguneroko bizitzan aurki daitekeen kulturen eta herritarren praktiken aniztasuna.
Parte-hartzaileak:
Proposatutako bitartekoaren bidez lehiaketaren gaiari buruzko beren ikuspegia adierazi nahi duten 18 urtetik gorako pertsonek parte hartu ahal izango dute.
Ezin izango dute lehiaketan parte hartu, ezta saririk jaso ere, BIAren antolatzaileek, ezta EHAEOri BIArekin loturiko marketin- edo sustapen-zerbitzuak ematen dizkioten enpresetako kideek ere.
Lehiaketak kategoria bakarra du.
Aurkezpena
- Argazkiek jatorrizkoak izan behar dute, eta euskarri digitalean aurkeztu behar dira, 300 dpi-ko (pixel hazbeteko) kalitatearekin, zuri-beltzean nahiz koloretan. Erakusgai jartzeko hautatzen diren irudiak argazki-paperean inprimatuko dira, 5 milimetro lodiko luma-kartoian, markorik gabe, 50 x 70 cm-ko neurrian (euskarria eta irudia barne).
- Irudiak 8.268 x 5.906 pixeleko tamaina izan behar du, gehienez.
- Lehiakide bakoitzak argazki bakarrarekin parte hartuko du lehiaketan.
- Egileak irudiaren kopia bat gorde behar du euskarri digitalean; kopia horrek formatu fisikoaren kalitatearekin parekatzeko moduko kalitatea bermatzeko behar besteko bereizmena izan behar du, saritua izanez gero antolatzaileei emateko, haiek jendaurrean zabal dezaten.
- Argazkietan adingaberik agertuz gero, adingabeei argazkiak ateratzeko eta argazki horiek PHOTO-BIA lehiaketara aurkezteko berariazko baimena lortu beharko dute parte-hartzaileek adingabeen legezko ordezkariengandik. Argazki horiek ez dira agertuko Ordezkaritzak egiten dituen erakusketa edo/eta argitalpenetan, adingabeen eskubideak babeste aldera.
Autor: Javier Barberena Gómez
Epea
Lanak entregatzeko epea 2024ko urtarrilaren 3an amaituko da, ostiralean, 13:00etan.
Lanak nola entregatu
Web-inprimakia betez aurkeztu behar da argazkia, inprimakian honako datu hauek adierazita, besteak beste:
- Lema.
- Parte-hartzailearen datu pertsonalak (izen-abizenak, NANa, helbidea, helbide elektronikoa eta telefonoa).
- Argazkia non egin den (Bizkaian ateratako argazkiak soilik izango dira baliozkoak)
Eta www.biarchitecture.org webgunean xede horretarako gaitutako plataformara igo behar da argazkia.
Webgunean lana entregatu den data hartuko dute antolatzaileek erregistro modura
Sariak
Sari hauek emango dira:
KATEGORIA BAKARRA: ARGAZKI ONENA
- Lehen Saria: 750€
- Bigarren Saria: 350€
- Accesita: 150€
- Accesita: 150€
Publikoaren sari berezia
Publikoaren sari berezia: 250,00€
Ez zaie sariaren dirua emango sariaren onuradun diren parte-hartzaileei helduei, baldin eta ezkontza-loturarik edo antzekorik edo/eta laugarren mailara arteko odolkidetasun-ahaidetasunik edo bigarren mailara arteko ezkontza-ahaidetasunik badute epaimahaikideren edo antolatzaileren batekin (antolatzailetzat hartuta EHAEOko langileak, BIAko talde eragileetako kideak eta EHAEOko Zuzendaritza eta Gobernu Batzordeetako kideak).
Epaimahaia
Epaimahaia hiru kidek osatuko dute; profesionalki argazkilaritzan diharduten argazkilariak edo/eta arkitektoak izango dira epaimahaikide. Epaimahaiak ezingo du utzi saririk eman gabe, inongo hautagairik aurkezten ez bada izan ezik; eta bi accesit eman ahal izango ditu. Epaimahaiaren erabakia apelaezina izango da. Epaimahaiak inola ere ezingo dizkio parte-hartzaile bati bi sari eman, baina aukera izango du haren lana aipamen baten bidez nabarmentzeko. Ezingo da epaimahaikide izan parte-hartzaileren batekin ezkontza-loturarik edo antzekorik edo/eta laugarren mailara arteko odolkidetasun-ahaidetasunik edo bigarren mailara arteko ezkontza-ahaidetasunik duen inor.
Epaimahaiak 20 argazki onenen sorta bat hautatuko du, eta horiek erakusgai jarriko dira Euskal Herriko Arkitektoen Elkargo Ofizialaren Bizkaiko Ordezkaritzan, Bilboko Mazarredo zumarkaleko 69. zenbakian.
Publikoaren sari berezia
2025eko urtarrilaren 23tik aurrera, biarchitecture.org webgunean ikusgai egongo dira aurkeztutako argazki guztiak. 2025eko urtarrilaren 30era arte eman ahal izango da boto telematikoa, webgune horretatik bertatik.
Sari-ematea
Sariak 2025eko otsailaren 13an emango dira, Euskal Herriko Arkitektoen Elkargo Ofizialaren Bizkaiko Ordezkaritzan (Mazarredo zumarkalea 69, Bilbo).
Aurkeztutako obrak
Lehiaketan parte hartzeak berekin dakar parte-hartzaileak lehiaketara aurkeztutako argazkien (aurrerantzean, aurkeztutako obrak) gainean egile gisa dituen jabetza intelektualeko eskubideak EHAEOren Bizkaiko Ordezkaritzari lagatzeko onespena. EHAEOren Bizkaiko Ordezkaritzak eskubidea izango du aurkeztutako obrak erreproduzitzeko, banatzeko eta jendaurrean ezagutzera emateko nahiz eraldatzeko, denbora- eta leku-mugarik gabe, dagokion obraren egilea haren izen-abizenak adieraziz identifikatuta. Hortaz, aurkeztutako obrak argitara eman ahal izango ditu Ordezkaritzak, besteak beste, BIAren webgunean, BIAk EHAEOren baitan nahiz hortik kanpo erabiltzen dituen hedabideetan, BIAren albisteak ilustratzen dituzten hedabideetan, BIAren liburuxketan, BIAren argitalpenetan, BIAren erakusketetan eta abarretan; eta, xede horrekin, aurkeztutako obren formatua aldatu ahal izango du Ordezkaritzak, baita horrek lanen kalitatea galtzea ekar badezake ere.
Hortaz, aurkeztutako argazkiak edozein euskarritan agertu ahal izango dira, editatuta, inprimatuta edo digitalki, antolakuntzarekin eta haren jardueren zabalkundearekin loturik, betiere obraren egilea zein den aipatuta. Aurkeztutako obrak beste egoera edo xede batzuetarako erabili ahal izango ditu egileak, betiere berariaz aipatzen badu delako obra horrek EHAEOren Bizkaiko Ordezkaritzaren Photo-Bia lehiaketan parte hartu duela.
Oharrak
Parte-hartzaileen ardura da aurkeztutako obren egileak izateko eta obra originala izateko baldintza betetzea, baita hirugarrenek haien gaineko eskubiderik ez izateko eta halako eskubiderik ez urratzeko baldintza betetzea ere. Hirugarrenek bere eskubideen urraketa dela-eta –jabetza intelektualarena, industrialarena edo irudiarena barne– EHAEOren Bizkaiko Ordezkaritzaren kontra aurkez lezaketen erreklamazio orotatik salbuetsiko dute parte-hartzaileek EHAEO.
Lehiaketan parte hartzeak berekin dakar oinarri hauek osorik onartzea. Oinarri hauetan aurreikusita ez dagoen orotarako, Euskal Herriko Arkitektoen Elkargo Ofizialaren Bizkaiko Ordezkaritzak emango du dagokion ebazpena.
Datu pertsonalen babesa
Datu Pertsonalak Babesteko 3/2018 LO eta Datu pertsonalen tratamenduari dagokionez pertsona fisikoak babesteari eta datu horien zirkulazio askeari buruzko 679/2016 Erregelamendua (EB) betez, jakinarazten dizugu zure datuak EHAEOren datu-basean sartuko direla eta PHOTO-BIA lehiaketa eta oinarri hauetan «aurkeztutako obrak» atalean aipatutako jarduerak edo/eta argitalpenak gauzatzera mugatuko dela haien erabilera. PHOTO-BIA lehiaketan parte hartuz, EHAEOri baimentzen zaio parte-hartzailearen izen-abizenak hirugarrenei jakinaraztea, lehiaketako parte-hartzea kudeatzeko; aurkeztutako obra balioesteko, hala egokituz gero saria emateari begira; eta oinarri hauetako «aurkeztutako obrak» atalean aipatzen diren jarduerak edo/eta argitalpenak gauzatzeko.
Zure datuen tratamenduaren arduraduna EHAEO da, eta parte-hartzaileak lehiaketara aurkeztuz emandako baimena da datu pertsonalen tratamendurako oinarri juridikoa, oinarri hauek onartzea baitakar parte hartzeak. EHAEOk inola ere ez ditu erabiliko interesdunen datuak aurrez aipatutakoez bestelako xedeetarako, eta sekretu profesionala gordetzeko betebeharra betetzeko konpromisoa hartzen du, baita informazio guztia datuak babesteari buruz indarrean dagoen arautegiaren eskakizunekin bat etorrita gordetzeko jarri beharreko neurri teknikoak eta antolaketakoak jartzekoa ere.
Datuak eskuratzeko, zuzentzeko, ezabatzeko, aurkaratzeko eta erabilera mugatzeko eskubideak egikaritu ditzakezu, idatzi bat igorriz, zure nortasuna egiaztatzeko dokumentu ofizialaren kopia bat atxikita, EHAEOren sozietate-helbidera –MAZARREDO ZUMARKALEA 69, 1.a, 48009, BILBO (BIZKAIA)– edo helbide elektronikora –coavn@coavn.org–. Zure datuak EHAEOren Bizkaiko Ordezkaritzaren argitalpenetatik ezabatzea eskatuz gero, Ordezkaritzak eskubidea izango du lehiaketara aurkeztutako argazkia bere argitalpenean erakusten jarraitzeko, egile anonimoa dela adieraziz, eta ez da ulertuko hori egilearen jabetza intelektualeko eskubideen urraketa denik.