BIA 2024 SARIAK
Sariaren helburua da arkitekturaren eta hiri berroneratzearen bidez Bizkaiko gizartea garatzen lagundu duten irudi esanguratsuak saritzea; eta mugak gaindituko ditu, dimentsio berri bat hartuko du, edizio bakoitzeko gaia eta sarirako aukeratutako pertsona uztartuz.
Premiado
YouTube
Premiado
YouTube
BIA Urban Regeneration Forum guneak malgutasuna sustatzen laguntzeko sormen-loturak eratzea xede duten proposamenen bilgune izan nahi du.
Elkarrizketa bultzatu nahi du hirigintzan esku hartzen duten eragile guztien artean, berroneratzearen gakoak partekatzeko, baliabideak egoki erabiltzeari,
hiriaren programazioan, diseinuan, eraikuntzan, kudeaketan eta mantentzean berrikuntzak egiteari eta oreka jasangarria lortzeari begira. BIAUrban Regeneration Forumen apustua da kanpoan ezagutzera emateko moduko esperientziei buruzko ondorioak biltzea, jakintza partekatzea eta hiriak diseinatzeko erronkari irtenbide inspiratzaileen bidez erantzutea. Ekitaldi plurala da, eta, begirada iheskorrak alde batera utzita, biztanlea- planeta arteko erlazioari buruzko azterketa xehea bilatzen du: gogoeta ireki bat, begirada alai, afektibo eta eraginkorrean oinarritua. Gizarteak erantzunak behar ditu, eta planetak, aldaketak; hauxe da, bada, aldaketari erantzuteko foroa.
BIA Urban Regeneration Forumen VI. Edizioko BIA Topaketek GJH hauei buruz jardungo dute:
- EUSKADI-BASQUE COUNTRY 2030 AGENDA, 7. HELBURUA: ENERGIA IRISGARRIA, FIDAGARRIA, JASANGARRIA ETA MODERNOA GUZTIONTZAT
- EUSKADI-BASQUE COUNTRY 2030 AGENDA, 13. HELBURUA: KLIMA ALDAKETARI ETA HAREN ONDORIOEI AURRE EGITEKO PREMIAZKO NEURRIAK
HARTZEA
Euskal Herriko Arkitektoen Elkargo Ofizialaren Bizkaiko Ordezkaritzak Bizkaiko arkitektura ezagutzera emateko eta sustatzeko xedez sortutako
plataforma bat da BIA, Bilbao Bizkaia Architecture. Sektoreko enpresa handien nahiz estudio txiki independenteen esperientzia eta jakintza biltzen ditu, kanpoan ezagutzeko moduko balioa dutenak guztiak. Nazioartekotzea, trukea eta herritarren partaidetza dira BIAk arkitektura eta hirigintza ardatz harturik bideratzen dituen ekintzen ikurrak.
Abangoardiako arkitektura eta hirigintza protagonista dituen eta Bilboko hiria eta Bizkaia hiri arkitektura eta berroneratze horren beraren eredu gisa baliatzen dituen nazioarteko eztabaidarako honako jarduera hauek proposatzen ditu BIA Urban Regeneration Forum plataformak: