Workshop

BIA Workshop 2018: Lan/Bizi: Otxarkoagarako birgaitze-estrategiak.

Workshoparen helburua Otxarkoagakoa auzoan aukeratu den esparruko barne-espazioen ikerketan datza. Xede hau buruan, eraikinen balizko erabileren nahasketak ere hartuko dira kontutan. Kurtsoak hiri-birgaitzearen hasierako estadio bat islatzen du. Hiru zati izango ditu. Hasteko, behaketa prozesu batek gizarte-egituraren inguruan informazioa metatzeko aukera emango du. Bigarren, datuon eta inguru fisikoaren analisiek birgaitze-estrategien planteamenduari ekiteko aukera emango dute. Azken hauek proiektuaren ideiatik xehetasunera garatuko dira.

BIA Workshop ekimena Urban Regeneration Forumaren zati bat da, hiri-birgaitzearen inguruko eskarmentu eta jakiturien elkar-trukatze toki bat, euskal instituzioek bultzatuta, publiko zein pribatu. Euskal Herriko Arkitektoen Elkargoko Bizkaiko Ordezkaritzak zuzendutako proiektua da, eta aurten bere hirugarren edizioa ospatuko du.

Kurtsoak ospe handiko akademikoak izango ditu, bai eta antzerako kasuak burutu dituzten arrakastadun profesional liberalak ere bai. Kurtsoa arkitektura azken kurtsoetako ikasleentzako pentsatuta badago ere, irekia dago beste diziplina zein maila akademikoko lagunentzat (bai eta lizentziatu berriei ere bai), interesa izatekotan.

Lankidetza bereziarekin:

ESPERIENTZIAREN LABURPENA

Euskal Herriko Unibertsitateko eta Nafarroako Unibertsitateko dozena bat arkitektura ikasle, hainbat maila eta jatorritakoak, izan dira protagonista ekainaren 4tik 9ra bitartean egindako esperientzia honetan.
Parte-hartzaileek, jatorri askotarikoak (Bolivia, Kolonbia, Argentina eta Euskal Herrikoak ere bai), Bilboko Otxarkoaga auzoa birdefinitzeko erronkari aurre egin diote, profesionalekin eta gizarteko solaskideekin izandako bilera eta hitzaldien laguntzarekin zein bideratu dituzten tutoreen babesarekin, eta, nola ez, beren ideia eta lanari esker.

Lan handi horren fruitua izan da “Lan/Bizi. Otxarkoagarako berroneratze estrategiak” deialdiaren hasierako planteamenduari erantzunez egin dituzten 3 proposamenak.

 

Informazio gehiago:

Egitaraua:

Hizlariak

Luis Bilbao Larrondo
Historioan doktorea. Hirigintzaren historioan aditua.

Koldo Telleria (EHU/AGET)
Arkitektoa eta Sevillako UPOan Antropologia Masterra, EHU/UPVko Hirigintza eta Lurralde-Antolamendurako irakaslea, eta Dunak taldearen kidea. 2002, Hiria Kolektiboa estudioaren sortzaileetariko bat. Egun, hirigintza eta lurralde antolamenduaren inguruan lan eta ikertzen du, hiritarrekin lankidetzan.

Cristobal Ribera Okendo (Otxarkoagako Familia Elkartea)
Otxarkoagako Familia Elkarteko Idazkaria.

Olatz Grijalba (EHU/AGET)
Arkitekturan doktorea. Arkitekturako G.E.T.an bitarteko irakaslea eta EHUko “Bizi Kalitatea Arkitekturan” taldeko ikertzailea da. Arkitektura iraunkorrean aditua ere bada eta azken urteetan hiri birsorketaren ikerketan aritu da lanean.

Ramón Barrena Etxebarria (EHU/AGET)
DAGET (EHU). Arkitektura-Proiektuen irakaslea, eta Gradu eta Gradu-ondoko Zuzendaria. GAKOA ARKITEKTURA estudioaren kide eta Proiektu zuzendaria.

Agustín Hernandez Aja (ETSAM/UPM)
Madrileko Arkitektura Goi Eskola Teknikoan arkitektura doktore, Unibertsitate Politeknikoan. Grupo de Investigación en Arquitectura, Urbanismo y Sostenibilidad (GIAU+S) ikerketa taldean ikerlari Nagusia.

Carles Baiges (Lacol_Arquitectura Cooperativa)
Lacol-eko bazkidea, Bartzelonako arkitektoen kooperatiba. ETSAB-UPC eskolagatik arkitektoa, eta Universiteit van Amsterdamen hiri-soziologia ikasia.

Gorka Segurola / Ana Almandoz (M-Etxea)
2007an sortu zen M-etxea koletiboa, arkitktura-tailer bezala eta etxebizitzaren erabileraren azterketa xede izanik.

Jon Aguirre Such (Paisaje Transversal)
Hiri-analisi eta eraldaketa prozesuak diseinatzen eta aholkatzen dituen bulegoa da Paisaje Transversal, parte-hartzetik, ekologiatik eta sormenetik, beti ere tokiko errealitatetik abiatuta.

Txari Vallejo
ETSAM ikasitako arkitekta. Bilboko Udal Etxebizitzak TEA-ko Sustapen Saileko arduraduna.

Ignacio de la Puerta
Lurralde Plangintza, Hirigintza eta Hiri Berroneratze zuzendaria

Tutoreak

Jon Arcaraz Puntonet
Nafarroako Unibertsitateko Proiektu, Hirigintza, Teoria eta Historia Saileko Arkitekto doktorea. Arkitekto eta ikertzailea.

Nuria Arrizabalaga Maresma
Barzelonako E.T.S.A-ko arkitektoa. 1992. urtetik aurrera Carlos Arrizabalagarekin taldea osatu eta mota guztietako proiektuak garatu ditu. Hurrengoak azpimarragarrien artean daude: EHAE-ko delegazioaren egoitza Bilbon, Lea Artibai ikastetxeko ikasle-egoitza, etxebizitzak Barakaldon Bilbao Ría 2000-entzat, Bolunaga Errota etxebizitza Barinagan, Markina-Xemein, Familia Santuaren monasterioa Hondarribian eta Bengola Museo eta interpretazio zentroa Munitibarren.

Jon Ander Azpiazu Juaristi
EHUko A.G.E.Teko arkitektoa. 2015. urtean Taperstudio Arkitektura sortu zuen. Ikasketak Florentzian, Bartzelonan eta Madrilen osotu zituen eta, azken horretan, Proiektu Arkitektonikoen Teknika Aurrerakoien masterra burutu zuen. Horrez gain, hainbat estudiorekin kolaborazioan aritu da, hala nola, VAUMM, SSARK, ARUP eta ACXT-IDOM.

Ibai Gandiaga Pérez de Albeniz
Arkitektoa eta ADI! Bulegoaren kide, espazioen eta prozesuen diseinuan aritzen den enpresa, betiere arkitektura, hirigintza eta gizartearen esparruetan.

Unai Gómez Arriaran
EHUko A.G.E.Teko arkitektoa. 2015. urtean Taperstudio Arkitektura sortu zuen. Ikasketak Granadan eta Napolesen osotu zituen. Horrez gain, zenbait estudiorekin kolaborazioan aritu da, esate baterako, Abar arquitectos, VAUMM eta OPEN architekci. Gaur egun, lanaz aparte Bartzelonako UPCko Hirigintzako Masterraren tesia egiten dago.